Ол курдук ааспыт сылга алтынньы 17 күнүгэр киин куоракка Массыына суолун өрөспүүбүлүкэтээҕи бырабылыанньатын дьиэтигэр (Автодорожнай уулусса 10/2) А.Я.Овчинникова аатынан өрөспүүбүлүкэ суолун хаһаайыстыбатын Музейын үөрүүлээх быһыыга-майгыга арыйбыттара. Бэлиэтээн эттэххэ, Александра Овчинникова өрөспүүбүлүкэҕэ суолу тутуу эйгэтигэр өр кэмҥэ тахсыылаахтык үлэлээбит специалист уонна салайааччы буолар. 2014 сылга Александра Овчинникова олоҕун, үлэтин кэрэһилиир “Уһулуччулаах дьоннор” сериянан кинигэни сэргэ кини салайбыт кэминээҕи событиелар хроникаларын кэпсиир кинигэ бэчээттэнэн тахсыбыттара, тохсунньу 21 күнүгэр ХИФУ “Саха сирин былааһын уорганнарын үлэтин региональнай уопута: история уонна аныгы кэм” диэн темаҕа республикатааҕы научнай-практическай конференция ыытыллыбыта.

 

Быйыл Ньурба куоратыгар Александра Овчинникова аатынан сквер тутуллан, бюһа оҥоһуллан үөрүүлээх быһыыга-майгыга арыллыахтара. Оттон Дьокуускай куоракка “Албан аат” бырайыагы олоххо киллэрии чэрчитинэн А.Я.Овчинникова бюһа туруоруллара былааннанар. ХИФУ бастыҥ студеннарыгар А.Я.Овчинникова аатынан 10 тыһыынча солкуобайдаах биир кэмнээх стипендияны олохтообута олунньу 6 күнүгэр Дьокуускайга Саха театрыгар ыытыллаары турар общественность үөрүүлээх мунньаҕын кэмигэр туттарыллыаҕа.

 

Манна эбэн эттэххэ, Александра Овчинникова туһунан сонуннары киэҥник тарҕатар средстволарга сырдатыы былааннаахтык бара турар. Саха сирин чулуу кыыһын туһунан киинэ уһуллан, общественность үөрүүлээх мунньаҕын кэмигэр көрдөрүллүөҕэ.