Бүгүн Государственнай Думаҕа төрдүс боппуруоһунан киирбит “2015 сыллааҕы уонна 2016 уонна 2017 сыллардааҕы былааннаах кэмҥэ федеральнай бюджет туһунан” федеральнай сокуон барылын туһунан” 744090-6 №-дээх  федеральнай сокуон барылыгар 2015 сыллааҕы федеральнай бюджекка уларытыылары үһүс ааҕыыга ылынар.  
 
Республика Ил Дархана Егор Борисов итиэннэ Федеральнай Мунньахха Саха сириттэн сенатордар уонна депутаттар туруорсууларынан, “2015 сыллааҕы уонна 2016 уонна 2017 сыллардааҕы былааннаах кэмҥэ федеральнай бюджет туһунан” федеральнай сокуон барылын туһунан” Государственнай Дума уурааҕар биһиги республикабытыгар сыһыаннаах боппуруостары киллэриини Россия Правительствотын кытта сөбүлэһиннэрэр кыалынна. Онон Российскай Федерация Правительствотыгар  2015 сыллааҕы федеральнай бюджеты толоруу кэмигэр Беркакит – Томмот –Дьокуускай тимир суол ситимигэр Томмот – Дьокуускай (Аллараа Бэстээх) тимир суол комплексын тутууну бүтэрэригэр сүбэлэннэ.
 
Итини таһынан, “2015 сыллааҕы уонна 2016 уонна 2018 сыллардааҕы былааннаах кэмҥэ федеральнай бюджет туһунан” федеральнай сокуон барылын туһунан” федеральнай сокуон барылын оҥорууга уһук хотугу оройуоннарга уонна уонна онно тэҥнэммит сирдэргэ олорор дьону көһөрүү дьаһалын үбүлүүр боппуруоһу уонна Уһук Хоту сир куораттарын коммунальнай инфраструктуратын саҥардар уларыта тутууну көрөрүгэр Российскай Федерация Правительствотыгар сүбэлэннэ. Ол курдук, бырайыактыыр-сметалыыр докумуоннара суоҕуттан, оннук докумуоннарын бэлэмэ хайдаҕыттан 2015 сыл муус устар 1 күнүнээҕи туругунан үбүлээһиннэрэ сарбыллыбыт капитальнай тутуу объектарыгар, ол иһигэр: Саха Республикатын аэропортарын бөлөхтөрүн уларытан оҥорууга, Дьокуускай куорат аэропордун уларытан тутуу бырайыактыыр докумуонун оҥорууга федеральнай бюджеттан үбүлээһини көрөргө этилиннэ.
  
Онон 2015 сыллааҕы федеральнай бюджекка уочараттаах көннөрүүлэри киллэрии кэмигэр Ил Түмэн республика Правительствотын кытта Государственнай Дума ити уурааҕын толоруу боппуруоһугар Российскай Федерация государственнай былааһын уорганнарын кытта ыкса үлэлииллэрэ эрэйиллэр.
 
Государственнай Дума бу мунньаҕар республика Ил Түмэнин Председателэ Александр Жирков кытынна. Эрдэ иһитиннэриллибитин курдук, Государственнай Дума бэбиэскэтигэр 24-с боппуруоһунан “Российскай Федерация аҕыйах ахсааннаах хотугу норуоттарын бырааптарын мэктиэлээһин туһунан” федеральнай сокуон 7 ыстатыйатыгар (муниципальнай тэриллиилэр баһылыктарыгар аҕыйах ахсааннаах төрүт олохтоох норуоттар бэрэстэбиитэллэрин сэбиэтин тэрийиигэ боломуочуйа чааһыгар) уларытыылары киллэрии туһунан” Ил Түмэн уонна Федераци Сэбиэтин чилиэннэрин, Государственнай Дума депутаттарын сокуону кыттыгас көҕүлээһиннэрэ көрүллүөҕэ.  
 
Ил Түмэн пресс-сулууспата